كون إن حد بيعشقك
أحساس جميل
يخلى كل الكون شجر
لو حتى كنت متعشقوش
لو لسة قلب بيرسمك
صورة لحبيب
على ورقة بيضا ملونة
بلون الفرح
والكون طرح
بساتين وزينة منورة
كل الوشوش
بتكون بشوش
لو حتى كنت متعشقوش
إحساس عجيب بيطفى
نارك من الجروح
إنسان بيعشق خطوتك
لو مرة جيت
أو جيت تروح
وضل تانى جنب ضلك
فى الفضا
يتمنى كلمة حنينة
يتمنى لو نظرة رضا
تفرح بقربة متبعدوش
لو حتىكنت متعشقوش
الدنيا لسة قريبة
وأيديك بتلمش شعرها
والعمر كلة بين أيديك
ولسة راكب قطرها
مش مر بس تدوقك
بأيديك بتقطف حلوها
والشمس نورها بيوصلك
والفرحة حسيت طعمها
احاسيس كتيرة تحسها
لو أتحبيت
من قلب حقك تشكرة
لو يوم لقيت
إنسان بيوهبلك حياة
تعيش معاة وتفرحو
ولا يوم تفكر تجرحو
وبنار غرورك متحرقوش
مش يبقة ذنبة بيعشقك
متقربوش
لازم تودة بالوصال متضيعوش
لو حتى كنت متعشقوش