سلام الله على طيبـه بـلاد محمـد المختـار=عسى وبل الحيا يركي عليهـا ليـن يرويهـا
انا فيها افقد هموم الزمـان وكثـرة   الافكـار=وانا لاقي علاج العين وعـلاج الحسـد فيهـا
أحب أرض المدينه واهلها اللافين   والانصـار=واحب قصورها وجبالها اللـي مـن حواليهـا
واحب اول مساجدهـا محبـه مالهـا   معيـار=ولا اصبر عن حرمها اللي له الاقدام   نحفيهـا
واحب الروضه اللي قال عنها سيـد   الابـرار=تراهـا مـن ريـاض الجنـه وهـذا يكفيهـا
عسى من حب طيبه مثل حبي مايطـب النـار=عسى الفردوس تفتحله مـن أولهـا   لتاليهـا
والا ياضلع (أحد) بالله حدثنا وعطنـا   اخبـار=عن علوما" مضت عندك خبرها مانت   غاويها
هنا (حاجه) على أسمك سميت ياطيب الاذكـار=ترا من شافها ماهو مثل من سمـع   طاريهـا
هنا   كسر شوكة قريش وجيشها الجرار=وسجلـه بطولـة عجـزت الايـام تمحيـهـا
هنا طلحة وابو طلحة هنا الصديق راع   الغـار=هنا الفاروق صاحب سيرتن ماحدن   يجاريهـا
هنا عثمان ابن عفان تاريخـه يشـع   انـوار=هنا علي ابن ابي طالب سرايا القـوم يثنيهـا
هنا سعد ابن ابي وقاص نعم الفارس المغـوار=هنا ابن عوف وابـو ذر والعـزه   وطاريهـا
هنا مصعب واسيد ابن الحضير وجعفر   الطيار=وابن عوام لـدارت رحاهـا صـار   راعيهـا
هنا زيد وهنا زيد وهنا زيـد الثـلاث اخيـار=رياجيـلا" فعايلهـا تشابـه مثـل اساميـهـا
هنا سلمان راع الخندق اللـي عقـد   الكفـار=هنا أسامة وابوه أهل الكرامـة فـي معانيهـا
هنا اليمان وحذيفه وابن مالـك حمـاة الجـار=هنا عدي منقـذ طـي مـن غبـة معاصيهـا
هنا الرومي صهيب وسيد الخزرج من الانصار=هنـا زعيـم كـل الأوس وآمرهـا وناهيهـا
هنا النعمان والخدري كبـار الهمـه الاحـرار=هنا المقـداد ناصـر سنـة محمـد وحاميهـا
هنا ابن الصامت وعمرو وفضاله أفنوا الاعمار=هنا سعد ابن مالك داحـر الفتنـه   ومخزيهـا
هنا حاطب وابو موسى وابو بكره وكعب احبار=وابو ايوب الانصاري خصاله صعب نحصيهـا
هنا خالد وابا هريره رجـالا" باللـزوم   كبـار=وابن مسعود وقفاته مافيـه احـدن يساميهـا
هنا عبدالله العباس لـه هيبـه ولـه   مقـدار=هنا كعب ابن عجرة والمعالـي كعـب راقيهـا
هنا السكران ابن عمرو وبلال وجابر وعمـار=وابن شعبه وابو رافع صحابه مـن   يوازيهـا
هنا شاعر رسـول الله لا مـوذي ولا ثرثـار=يقول ابيات شعريـه وروح القـدس يوحيهـا
هنا ابن آثال والـداري تميـم معقبيـن آثـار=هنا حرام ابـن ملحـان والحسنـات حاويهـا
هنا جبير ابن مطعم وابو سفيـان لهـم ادوار=هنا ثوبـان مولـى سيـد الأمـه   ومهديهـا
هنا معـاذ وجليبيـب فيهـم تبحـل   الافكـار=هنا أخو حفصه اللي سنـة المختـار يرويهـا
هنا ابن النضر والبجلي وسمره قدوة المحتـار=هنا كـل الصحابـه ليتنـا نسـوى مواطيهـا
سلام الله على دار الشهامه والوفـاء والكـار=مدينـة سيـدي وانـا عـدو اللـي يعاديهـا