ياليـل يالـيـل الخـفـا والسـرايـر إلا علـى الرحمـن عـلاّم الاســرار اشـوف فيـك المعـجـزه والعبـايـر وياكبـر فرقـا" بيـن خاشـع وسبّـار أحـدا" يقـوم الليـل ســد الستـايـر شفقا" على الجنـه ويبكـي مـن النـار وأحدا" علـى الجيـران مثـل الزقايـر شرا" على نفسه وشـرا" علـى الجـار السبـره اللـي مـن سطـوح العمايـر عميـا نهـار وتالـي الليـل منـظـار العـام تحسـب مـن حسـاب الكبايـر واليـوم راعيهـا يـمّـدح بـالاذكـار ياناشـدا" عـن مخلـفـات الـدوايـر امـوردات الادمــي قـاعـة الـغـار حكمـك عليهـن حكـم ظالـم وجايـر الـدرب دربـك مالهـن فيـه معـبـار وش ذنبهـن يااهـل الفكـر والبصايـر مادامهـن يمشـن تحـت حكـم جبّـار هـذا هـو الانـسـان كـلّـه نكـايـر يفسـد ويذنـب ويتخلقـلـه اعــذار ياللـي تقـول انـك طبيـب العشـايـر الطـب مايظهـر تفاصـيـل الاخـبـار النـاس فيهـم مثـل ثابـت وسـايـر والنـاس فيهـم مثـل نايـف وغـوار لابـاس يادمـا" مـن الغـيـظ فـايـر على دخـول الكـار بحسـاب الاشـرار الخيـر يـوم انـه عـن الـدار نايـر كله سبـب مـن زوّر الطيـب والكـار في عصرنا الحالي غـدا اسلـك وايـر والدلـخ يفهـم والمهابـيـل شـطـار جتنا مـن سيـول النصـارى عوايـر وعج اليهود اضفى على جونـا غبـار مـن كثـر لعـب المبـزره بالحوايـر راحـت هياكـل مالهـا بالوفـا اذكـار غاياتهـم مـن تحـت سـود الذخايـر وصلوا إلى حدا" ما كـد وصلـه الفـار الكـل منهـم خلـف الالحـاد سـايـر الله يمحاهـم عــن الارض والــدار يادارحـبـك سـاطـيـا" بالظـمـايـر يامنبـع الاسـلام يــادار الاحــرار ياديـرة الكعبـه هـوا كــل زايــر مهبط كـلام الله علـى سيـد الابـرار دار البشيـر اللـي لـفـا بالبشـايـر من خالق الكـون وفضاهـا والامصـار متحمّـل البـلـوى وكـثـر العـزايـر صابـر ومثلـه فالبشـر مااعتقدصـار في طاعة المولى علـى الحـق صايـر بالطايـف ومكـه إلـى دار الانـصـار اميـن فـي سـر العمـل والجهـايـر ينصـر هـل الايمـان وهيـن كـفـار الـرب مختـاره علـى اهـل البصايـر يكفيـك مـن بـد المخاليـق مخـتـار وصـلاة ربـي عـد مـاطـار طـايـر على احمد وآلـه والاصحـاب الاخيـار
