ماريـــــــــــــــــــــــــا
 
لفيت العالم و راجع لك
عاشق من بدرى حروف إسمك
أنا منك و انت أكيد منى
و فـــ حضنك حاسس كده إنى
فـــ العين راح أشيلك و الننى
يا ماريا نسيمك و هواك ِ
و العين تطلع لسماك ِ
سبحان من صور محياك ِ
سبحان من علق فى سماك ِ
القلب الدايب فى هواك ِ
يا ماريا يا غنوة أعيش بيها
محلاها و محلا العيش فيها
دا جمال الدنيا فــــ لياليها
و ليالى الأنس فــــ حواريها
يا ماريا أنا عاشق و أتمنى
فى ترابك العب و أتهنى
دا جمال الدنيا مالوش معنى
لو أبعد عنك و استنى
يا أعيش وياك  ِ و أتهنى
أو أرحل عنك للجنة
يا ماريا أنا عاشق لترابك
و القلب بينبض بغرامك
شبيك ِ لبيك ِ ياللى أتمنى
علشانك أرقص و أغنى
خدى عقلى و روحى و اتهنى
و ان مت عشانك إيه يعنى