سيرتي في كوكب الدنيا عباره عن دواير والدواير خط ثابت في مسارٰ مستدير اعتبرني أي نقطه ضمن خط الرسم ساير في مساره والبدايه هي نهايه للمسير يعني يومي مثل امسي ماحدث شي مغاير ارتجي بكره ويمكن التقي به شي غير السعاده طعمها ذقته عرفته كيف صاير بس رشفه من طباخك يازمن لي تستشير الزمن قلط ضيوفه –ياهلا بقل الخساير حقكم اكبر علينا واجبٰ لازم يصير والضيوف الله واكبرالله اعلم بالضماير فيهم مسيكين جُلس في صحن جنب الأمير والسعاده ماهضمها ظالم للناس جاير لو يبلل ماله بماه وشرب -ماله مجير بعضهم والله كنه (طاير من الفرحه طاير) تفرح ليا شفت وجهه كنه لوجهك بشير ماعرفت الحسد والله لو ملك جاري عماير لكن أغبطهم وودي لو تقسمنا-- خشير أشكر اللي أخذ(ن) معطي من أفضاله نظاير الصبر فيني طبيعه من وأنا طفل صغير يازمن والله أعرفك كنك الدولاب داير قُدره ربً تعالي جلٔ- سبحانه قدير طالبك يارب تكفي لا تخليها حساير العمر يالله مره وأنت عالم بالمصير ياحياتي مسرحيه مابها فصل وستاير عرضها ساري وفيها( البطل) وضعه خطير
