الظاهر اتغيرت ...ولاّ أنا استسلمت
لموضة بتمشي بتجري بتسبح
القلب أصبح ...بيجرح بيدبح
بيقسى بينسى...بيكره يصلّح
بقيت حد تاني...بقيت أكبر أناني
فبحور المباح بسافر و بسرح
ضميري آخر همي...و عايشة جوه وهمي
لو أوضح فعيني أكيد هبقى أريح
و بَكرَهْ مرايتي...بتفضح حكايتي
بتخلع قناعي و جروحي بتفتح
تزيد مرة طيبتي...و أتوه جوى حيرتي
لو عندليب يغني أو أي قلب يفرح
الخير بيجري فعرقي...و أرضى فيوم برزقي
و مرة واحدة أقسى و أتمنى تاني أجرح