في عيد لآضحي الفجر صار نكد
والناس تبكي دموعـها عـالخـدّ
يوم عيد المسلمين
تحول يوم حزيـن
يـوم فـيه العـريـن إنهـدّ....!
كان يوم إنتقام
كان يوم شاهد علي لآجرام
الناس مازالت أبلبس إحرام
جابوا الأسير للمشنقه أمقيدّ
يا عيد في فجرك رحل صدام
وحكّام العرب ما حَدّ مدّ اليد
لم يحزنوا وما نكّسوا لآعلام
أمفيت علم واحد صاحبا منغدّ
ما عاد للعيد هيبه ولاإحترام
يا مـالكي لك يـوم إجي لابُـدّ
ما ينفعك فيه بـوش لا الإمـام
فيه ربّ فوق راسك جحيم إهـدّ
سـوّدت عيدنا كـدرتم لآسلام
حتي الملايكـا خلّيتها أف نكـد
دمـرّت العراق بشريعت الظلام
وبغـداد ضيّعتها خلّـيتها أتبـغـدد
حرّمت الحلال وخليت الحلال حرام
رمــّلـت النسـا ودموعهـن عالخـد
مـليون لآجئ ليـش موش حـرام
ومـليون تايـه كي رحـل مـا ردّ
شنقـت العروبه بحكمك علي صدام
مـا إسامحـك شعـب العـراق أبـدّ
صـدام بـاقـي تـذكـره لـيّـام
وأنـت تـاريخـك حقـير أسـود
ويـانـا أدمـوع العيـن....
وتنهـيدة عـراقيـيـن.......
ظـالمينهـم رعـاع لـمـدّ....!
* * * *
يـا أمـة العـرب خجـلان....
يا أمة العرب من صمتكم زعلان
يـا أمـة العـرب يا فاقـدة لآمـان
بالخوف عايـشا والـذ ّل متوسـدّ
يـا أمـة العـرب من امريكيا تنهان
كـل يـوم تـنضربـي عليـه الخـدّ
إللي حاكمك سلبي ضعيف جبـان
للغرب سلّمك وباع أرض الجـَدّ
يـا امتي يا عايشا بـلا عنـوان
يـا فـاقـدة أمْسـك وراح الغـدّ
أبطالك إللي كانوا أحماك زمان
بوغـريـب خـلاّهم عقـاب زَبـدّ
وأمريكيا أستولت علي لوطـان
واللي قـبل شاكمها غَبَـاهْ لحـدّ
جنود العلوج خشوا علي النسوان
سلبوهـن شرفهـن سلب متعمـدّ
لامالكـي حماهن ولا الطالـبان
ولا المشهداني يقدر العار إصدّ
حتـي الربيعـي أمساعـد البهتان
وعبد الحسيـني عالفجور رقـدّ
بنـات العـراق يـا ويلـنا تنهـان
اللي قبل حاميهـن مشي ما ردّ
ضاع العراق وخايف علي لبنان
وبـاقي العواصـم في أيّـام أتعـدّ
يا امتـي واستسـلموا الرعيـان
يوم فرطوا في اللي زمان سندّ
ونـاخذ الليـل أنيـن......
نبكيه صدام الحسين....
فـارس مـا كيفـا حـَدّ
* * * *
اليوم نبكي علي حطيـن....
ونقول وينه صلاح الديـن
في الوطن سمّونا إرهابييـن
قسيسهم مـؤمن وشيخنا ملحدّ
بـريمر صبـح حاكـم الرافدين
لو كان طوّل راه العراق فسدّ
الله واكبر جيش المجاهديـن
لولاهم بـريمر في العراق قعدّ
الصدر والظهروالبطن والسَّاستـين
المقاومة الشريفة في روسهم تحصد
حكـومة العمالـه الغارقـه في الدّيـِن
المقاومة الشريفه في خطُواتها ترصد
ويـا الله يـا عالـم ابكـل دفيـن
ويـا الله يـا واحد ويـا الصمد
ويـاالله يـا واجـد ويـا معيـن
ويـا الله يـا رحمان يـا واحد
ويـا الله يـارب هالكونيـن
أنصرنا علي الكافر وعالملحد
ويـا الله دونـك عدو الدِيـن
أمفيت انت ما والي الظلم إصدّ
يـا الله امريكـا او غـربييـن
من وطننا ينزاحوا أمع الهبد
يـا الله يـا ناصر المظلوميـن
يـا رافع السما فوق بدون عمدّ
هـاللي ظلـم صـدام بـن حسيـن
أنـعنه طـريح لايمـوت لايرقـدّ
ينشّـل ينعمـي ينصاب بالأثنيـن
ويبقـي أختامـا طوق حبـل مسـدّ
ويـا الله انصر عـراق المجاهدين
وفـق خطـاهـم رميهـم سـدّدّ
ورد عيـدنـا عيديـن.....
يـوم نصر المجاهديـن....
ومـا عاد دمعه في عين....
يـوم النصـر المبيـن....
وهـكيّ الكـلام إسـدّ.....!!!
