لطم وجهه وقال اشلون تخليتي عن وجودي=نسيتيني وأنا بالي معاك ويختزن صوتك تجاهلته ولاعبّرت بس واصلت فشرودي=لسان إبليس خاطبني بمعنى (طولي سكوتك) تركته واقف قبالي يعاين غربة حدودي=صرخ ردّي وخبريني وش الباقي من كبوتك مصيبة كيف أوصف له جفاف وموتت ورودي؟=وكيف أخبره أن يا فلان خلاص إنهارت بيوتك رحل نورك وبدلته بظلمة ليلي ورعودي=ولاباقي عليك إلا تموت وينكتب موتك علي صعبة أسامح من سكب دمعي على خدودي=فما بالك بمن دفّاك وتاليها حرق كوتك؟ خلص شرحي ولاتنفع معي كلمة (كفا عودي)=سكت صوتي وبقيت انت متى تكرمني بسكوتك ؟
