بمسك قلم واسئل سؤال للروح لما القلوب ماتت،لية الحنين مجروح؟؟ يصرخ فيّ الألم واتمنى إنه يروح الدمع من غير سبب والقلب من غير روح **** إكوي الجراح بالنار دة بإيدك الإختيار ياتعيش قلبك حجر ياتموت م الإنتظار **** بمسك قلم واسئل سؤال مفتوح ليه الهوى صادق والغدر بيه مسموح؟؟ ظلم وألم وخداع مطرح ماروح بيروح عيني بتضحك وتبكي..والكذب بأة مفضوح **** إكوي الجراح بالنار ليلك هايبقى نهار قلبك بكرة هايقسى م الحزن لن ينهار **** سبت القلم ومشيت خلاص ونسيت لكن الألم باقي..لسه السؤال مطروح ****