تمثال الحريىىىىىىىىىىىىىىىىىىىىىه
 
تمثال غريب وسط الميدان
مبعوت هديه من الجيران
رمز المحبه و الأمان
و حجارته تصرخ من القمار
أتابيها لعبه من الكبار
و يصدقوها ليه الصغار
تمثال و واقف كام سنه
رمز المحبه و الهنا
و الكل عاشق إلا أنا
و يطوفوا حوله مهللين
و مسبحين و مكبرين
يهود و حتي مسلمين
تمثال بيأمر بالسكوت
والدنيا بحر و قلبه حوت
و سمك كتير من الخوف يموت
بينادي بالخير للجميع
و بيشجب الظلم المربع
و الفيتو يضحك علي الجميع
بينادي بالحق اللي كان
حرر زمان الأمريكان
و سحابه فوق من زمان
تحجب ما بيني و بينه ليه
و وجوه كتير بتطوف عليه
خليت عينيه اتسمرت
و الدمعه فيها اتحجرت
خلت ايديه
تكتب و تحكي علي القضيه
اللي ضاعت بيه و بيا
و الناس تطوف
ألوف .... ألوف
جمعت بينها ظروف
اللي صدق كدبته
و اللي فاهم لعبته
و اللي عامل غيته
كل عام لازم يطوف
جايه وياه الألوف
ساذجه أو رغم الأنوف
جمعت بينها ظروف
يا قبله الصخر العنيد
يا كعبه الشرك الجديد
يا لعبه يلعبها الكبار
و يصدقوها ليه الصغار
الليل حيجي وراه نهار
و حيرفعوا عنك ستار
و حيرفعوا عنك حقيقه
معمول خديعه
لشعوب برئيه
و حيرجموك و سط الميدان
و الناس تشوف
ألوف .... ألوف
جمعتها لك ظروف