أنا إبن الأهرامات ... لعيب الأكروبات
باستثمر فــــ الصعيد ... فـــ البانجو و الحديد
و يادوب أصنع رغيف ... و اصدر الهوا
و عشان يحلا الكلام ... صلى لنا ع الحبيب
و دارى ضحكتك
***
أنا إبن الأهرامات ... شريت شاى و آهات
باتجرع ليل نهار ... وعود... ...عهود سراب
و الدنيا تشتى نار ... على قصرى فـــ الخراب
قلبي طارح مرار ... عقلى لابس شــــــــــراب
و عشان يحلا الكلام ... صلى لنا ع الحبيب
و دارى ضحكتك
***
البورصة عاملة قُصــة
ياخوانا أكيد دى فُرصة
م السعد خلاص حافوق
فـــ البورصة كثير و أروق
لو سهمى مره يرشق
أنا خايف شعبى يغرق
فـــ الحزن و فـــ الهموم
و عشان يحلا الكلام ... صلى لنا ع الحبيب
و دارى ضحكتك
***
أنا باجمع فــــ الألوف
لكن فـــ الليل باشوف
بالويسكى ناس تطوف
كونكان ... بوكر ... و حوت
و أرانب بالألوف
و نجوم هز البطون
ملعونة كتير فنون
مدفونة كتير شجون
مقدرش يا أمى أكون
عاشق وسط الجنون
و عشان يحلا الكلام ... صلى لنا ع الحبيب
و دارى ضحكتك
***
بتقول يمكن يجوز..... فــــ بلادنا كتير كنوز
ابويا يقول أكيد .....مخصوص علشان رموز
و ادارى ليه غسيل ؟!
و أتيمم ليه يا نيل ؟!
قلبى عاشق يتيم ؟!
عقلى أصبح لطيم !!
و عشان يحلا الكلام ... صلى لنا ع الحبيب
ودارى ضحكتك
***
**
*