فكل ليلة منورة حيرتى عقلى يا قاهــرة
فيك اللى صاحى قد اللى نايم
وكتير فى راحة والشغل دايم
وقت الصلاة كتروا العصاة
لا حد لبى ولا حد سامع
خلف الأمام مفيش مكان
لاخرم ابرة فى زاوية وجامع
بناس قلوبها عامرة
حيرتى عقلى يا قاهــرة
...............................................
يا قاهــرة يا عامرة
بكل الوان البشر
عامل بسيط باشا ومدير
وبية أليط اصلة غفير
شيال وسريح عالرصيف
وزحمة تستنى الرغيف
وناس بتزهق م الكباب
الطف بخلقك يا لطيف
..................................................
فيك الولاد زى البنات
فيك الكلام ويا السكات
فيك الحياة فيك الممات
فيك الهزار باين اهات
حيرنى امرك شئ مخيف
.......................................................
شفت المأذن شفت الصليب
قرأن وانجيل فى القلوب
وماشى جرجس ويا احمد
والحب سايد شئ عجيب
..................................................
حيرنى امرك فى الصيام
وتمسك الناس بالقيام
وموائد الرحمن تنور
شهر مبارك يا رمضان