أنا شاعر ربابة جوال
في قلب الليل عشقت محال
يا مصر وصالك منيتي
أموت في ترابك وأدفع ديتي
أنتي الأصل والأساس
وبحبك أتعلمنا الإحساس
إحساس بالشوق في غربتك
وحب وانتماء لتربتك
عليها حبينا جرينا كبرنا
وجه الدور على عيالنا
يشربوا عشقك سلسبيل
ويناجوكى في أخر الليل
بكتب لك وحاسس بخطر
من أرض الدوحة في قطر
بلد غريبة مغربانى
لميت فيها كل أحزانى
وقعدت أرص وأعدهم
ليقتنى غلطت من كترهم
شايلهم على ضهرى من زمان
بصبر وأمل وحرمان
ولما نويت الرجوع
لقيتنى زى المفزوع
خايف أشوفك بعد غياب
وملقاش كل الأحباب
قالوا لي الشلة أتفرقت
ونفوس الناس أتغيرت
قلت أنا لازم أرجع لها
اشتقت أعيش في ظلها
