فيه واحده منـورة و قوام ع المسطره
و التـانية بت باشا شــبكتها تكون بغاشا
و التـــالته مهيصة أموره معصعصه
و الرابـــــعة بت مجدع قلبى منها يفلسع
و ليــــه الصربعة ؟!
مسموح لى باربعة ؟!
؟؟؟؟؟؟
***
با بيونه و بدلة شيك
و أنا أصلى كالفريــــك
ما احبش الشريك
و المهر ان كان بشيك
أبطل صربعه
مسموح لى باربعة
؟؟؟؟؟؟
***
مسموح لى بالمحاسبة
تمسك قلبى ف دفاتر
و ميزان عقلى اللى خاسر
و نهارى و ليلى فاكر
أقسط مهرها
و ليه الصربعة ؟؟
مسموح لى باربعة ؟
؟؟؟؟؟؟
***
مسموح لى بالطبيبة غربية أو قريبة
بس تكون الجينات مليانه بلآفات
و فصيلة دمها على اسمى و اسمها
و ليه الصربعة ؟؟
مسموح لى باربعة ؟؟
؟؟؟؟؟؟
***
مسموح لى بالمديرة فى عراكها تكون أميرة
تعمل لايحه جزاء فى الصبح و ف المساء
الضحك مالوش مكان و العند مالوش آوان
و البوس ما يكونش فجأة محتاج طبعاً لدمغة
و ليه الصربعة ؟
مسموح لى باربعة ؟
؟؟؟؟؟؟
***
لو كان فى القلب مطرح كنت أعشق تانى و افرح
و ليه اجمع و أطرح مقدرش أفضح و أشرح
و ليه الصربعة ؟؟
مسموح لى باربعة ؟؟
و أبوها عامل مهندس قاعد عمال يغلس
قلبى وجيبي المفلس خلانى أهرب و أهلس
و ليه الصربعة ؟؟
مسموح لى باربعة ؟؟
؟؟؟؟؟؟
***
و أخوها عامل لى ضابط قاعد فى البيت مرابط
ممنوع تلمس ايديا !! ممنوع حتى المحبة
اتدارى و استخبى علشان فى الضلمة أقول
أنا عاشق للأصول
و ليه الصربعة ؟؟
مسموح لى باربعة ؟؟
؟؟؟؟؟؟
***
و حماتى تقول لى شبكة و المهر عامل لى ربكة
مش فاضل غير هدومى و أزود ليه همومى
و ليه الصربعة ؟؟
مسموح لى باربعة ؟؟
تعليق:
من حق الشاعر ان يحلم ويســبح فى أحلامه ، ومن حق القارىء الأنتباه....
وأقول لمن يشـاـور عقله أن زوجة واحدة كثير