انسي همومك
شيلها لغيرك
الغي مبادئك الغي ضميرك
علشان تعيش لازم تخون
واهو كله عشان المصالح يهون
بيع صاحبك بيع اخوك
بيع كل اللي بيحبوك
ده الحب ياما موت كتير
وان عزت تسأل شوف شكسبير
هيقول لك يا ابني الحب خطير
اياك تكون للحب اسير
الحب ده قتل جولييت
حسرة عليها البت
لو كانت عاشت في حالها
مكنش جرى لها اللي جرى لها
غلطتها انها قررت تحب روميو
واللي حبوا ياما عميوا
حب ايه اللي انت جي تقول عليه
ده الحب هلك شمشون وخلص عليه
ومن هنا جت قوة دليلة
انها مكنتش للحب ذليلة
خانت شمشون
وده كان شئ مضمون
عشان الدنيا عاملة حسابها
اللي يخون بيفتح بابها
واللي يحب يا ويله من الدنيا
هيشوف منها حاجة تانية
هيشوف ذل هيشوف مهانة
مش هيشوف من اللي حبه غير الخيانة
عشان كدة لازم تخون
اللي يحب اكيد مجنون
لو شفت محب ارجع اراضيك
متخليهوش بحبه يعديك
نصيحة قدمتها لك وانت حر
لو خنت هتجد ما يسر
وان حبيت هتدوق المر!!!!