كـحـلـتـك بـاشعاري الحلوه وصورتك للدنيا عيون ودقـيـتـك نـيـشان بروحي وطرزتك بأيامي فنون وبـاريـتـك شمعات بليلي تضوي علسنيني بكل لون وداريـتـك طـيـره بنسماتي وهديتك وانا المسجون وشـلـتـك نـيـشان علمتوني وحبيتك حب المجنون مـابـيـعك بارخص من روحي يالقاعك سر ومكنون مـا خـاويـت عـليك بلحظه وظنت بيه الناس ظنون هـامـت بـيـك عـيون الدنيا وظليت بعينك مفتون انـا الـتـبـرالـك شـوغـاتي وعداك بسدي يغنون أنـا الـجـوعـان لـحنطاتك لوكل الناس ايحصدون تـريـد الـوادم انـسى سلومي وتاريخ الدنيا المزيون تريد انسى اجروح الخاوتني وهامت بضلوعي زغيرون مـاتـرضـاش الـروح اتعوفك يعراق وخلهم يحجون اجـدام آدم بـيـك المحفوره ودنيال ويحي وذو النون انـا بـيـا حـق انـطي ترابك بيا دين وفتوه وقانون ورود الـرخـصت لاجلك دمها شلون بعيني الدم يهون