يا صاحب الجلالة !
عايزين نقرا المعانى و نشوف إيه الدلالة
تسمح لى بالكلام ؟؟
تسمح لى بالكلام لو حتى ف المنام ؟
تسمح لى بالسعادة ! لو كان عندك زيادة ؟
تسمح لى بالمحبة ! لو لسه فيه أحبة ؟
تسمح لى بالكلام ؟؟
إسمح لى أعيش صغير علشان تفضل كبير
إسمح لى مرة أحلم ف الحلم أكون وزير
إنشا الله وزير أوانطة محتاج منك لخبطة
و حتبقي أحلى غلطة لو تخرج م المنام
تسمح لى بالكلام ؟؟
ليه الشفة الجريئة ليه العين البريئة ؟
محرومة م الكلام لو حتى ف المنام ؟
ليه صدرنا الفضيلة و استوردنا الرذيلة ؟
ليه المخلص يهاجر تفرح بيه البواخر ؟
و يفوت لينا الضباب يزرع فينا السراب
تسمح لى بالكلام ؟؟
تسمح لى بالكلام مع حفظى للمقام ؟
إزاه و فين و ليه النجم دا يطلع إيه ؟
ازاى رقاصة سمره تتوضا بربع خمره ؟
و ازاى أول فصولنا اللى بيسحر عقولنا
و شهادته امتياز سهران على لمبة جاز
مستنى الإشارة من صاحب العمارة
علشان قلبه الكبير يسمح له يكون غفير
تسمح لى بالكلام ؟؟
ليه وسط الشعب العادى اصحاب الكعب العالى
بيدقوا قلوبكم أكتر ؟؟
ليه وسط ألوف و ألوف ناس تخرج ع المألوف
و لا حاجه عيهنا نستكتر
تسمح لى بالكلام ؟؟
إزاى مسئول بيحكم فى اليوم ألفين قضيه
و ازاى يلبس يوماتى قـُمصان قد المـــاهيه
و ازاه عبد الروتين يعلا فوق الســـــحاب
و ازاى سايبينه يقتل أحــــــلام كل الشباب
ازاى مصر الفتيــه تشحت ف الأزبكيه
ماتت أحلام صبيبه و تموت حتى التكيـه
