لا سيبونى
سيبونى أعيش حياتي زى ما حلمت انا بيها
سيبونى أمنى نفسي بفكرة جوايا مداريها
سيبونى أموت في حلمي اصل واقعنا مرير
حلمي قاعد جوه منى حلمي أكون كاتب كبير
حلمي أكون حلمي أكون كاتب فنون مش بهلوان
اسألوا عنى الاهالى اسألوا عنى الجيران
اسألوا ولا كان في بالى يقولوا دا ركبه الجنان
مش مهم اللي قالوه مش هبطل مهما كان
حلمي بس انطق وأحس باللي شايفه من زمان
مش مهم اللي قالوه مش هبطل مهما كان
ذنبي كله قولت هاكتب
قولت هاكتب عن بلدنا عن حياتنا عن زعلنا عن فرحنا
عن اللي صاحبنا وفاتنا من سنين
قولت هاكتب عالقدامى اللي راحوا أجمعين
قولت هاكتب عن اللي رافقني وسبني لوحدى في الدنيا حزين
من النهاردة قولت هاكتب
من النهاردة قولت هاكدب
من النهاردة قولت هاشطب أسمى في الدنيا أمين
لا سيبونى
لا سيبونى أموت في حلمي ولا سعد ولا عز
ولااجيب عادل إمام ييجى ويمثلى فيلمي
لا سيبونى
لا سيبونى اكتب مسلسل
مهما تعمل مش هتوصل
برضو هاكتب
بس هاكتب باللي حاسه
مش بدور عالفلوس والشهادة
بس يكفيني انى قادر عالكتابة
مش بدور عالفلوس والشهادة
بس يكفيني انى قادر عالكتابة
أمين أسامه الشيخ / 18سنة / ت :0102420570 / مصر - قنا - قوص
تعليق:
هذه القصيدة تعبر عن محنتي ومعاناتي ورد فعل المجتمع امامي عندما طالبت بتحقيق حلمي اني اكون كاتب وصحفي وشاعر
وكلمة كانت تتردد على ألسنة الناس والمجتمع لي
الشعر مبيأكلش عيش يا ابني