اربع حروف فى السما
رسمين حروف اسمك
وسحابه متزينه
فستان على جسمك
مؤمن وشاغل توب
...محبوك على رسمك
مليش مكان غير هنا
اسمى على اسمك
---*---**---*---
اربع نجوم فى السما
والخامسه تاج ليكى
سهرانه على خدك
بتنور لياليكى
**** *
ياسمين وورد وفل
حنان بناديكى
انا عشت عمرى معادله
اليوم انا ليكى
حلى حروف اسمى
انا عشت لعنيكى
دى صخره متفتته
داقت خطاويكى
صحره وارضها بور
م الشمس تحميكى
ضلك كما الانهار
هعبر واناجيكى
انا عشت عمرى معادله
اليوم انا ليكى
*****
ليلك بالف نهار
حامل معانيكى
والطهر فيكى اتولد
اصبح عظيم بيكى
*****
قلب فى الخرايط
هتعرف اسمها
ضل البحور على الصفحه
لايق على رسمها
وكل صدفه فى كل بحر
تعجز تكون
او يوم تقول على وصفها
مع انى حبى مايتوصف
عمرو مكان على ادها
وبتوه فى رسم
خريطه توصف جسمها
قلبى اتخلق مقفول عشان
فى يوم ميلادها افتح لها
لو كان لقلبى يتقسم نصين
هشيل فى نص الروح
والتانى يبقى مهرها