المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
هنا القاهره
للشاعر ياسر عميش

قصيدة   هنا القاهره
هنا القاهره
أيها الساده جاءنا هذا البيان التالي
من صاحب الفخامه والمعالي
السيد شاهبندر التجار الهلالي
حضرة المسئول صاحب المعالي
اللي كعبه علينا عالي
وخطر زي التيار العالي
الغالي
والغالي علينا غالي ولاعمره يتنسا
حلوين من يومنا وأحوالنا متوكسه
ووشوشنا متبكسه
والعقول نضيفه . تقولش مكنوسه بمكنسه
و أيد الغلابه في الكلبش متدبسه
نفسهم في حته عضمه بالشغت متلبسه
نفسهم في لقمه متغمسه
انشاالله   يحلو بحته ملبسه

أيه رأيك يا   حضرة   المسئول ؟
أيها الشعب المخبول.
ان الميزانيه معجزه
والبخت مايل وعايزله معجزه
وكام مشروع تطوير علي كام أتفاقيه مركزه
وياسلام لو جتنا منحه
تفك المحنه ويا حبذا
تدلعوا يا شويه غجر
ونحط لكم الآكل في البزازا
وتفرحوا وتتمرجحوا وتروحوا تناموا   وهكذا
وتناموا وتأنتخوا   وتضحكوا وتسخسخوا
وترقصوا وتفخفخوا       بس أوعي تلبخوا
ياسلام   بس   ده عايزله معجزه

أيها الساده نأسف   عن هذا العطل الفني
!!!!!!!!!!!!!!!!!!!!!!!!!!!!!!!
ونكمل اليكم البيان
بسم بلدنا الموكوسه
مصر المحروسه
المحتاسه حوسه
وشبابها المنحوسه
والبتاع الكوسه
اللي واكلاه السوسه
أيها   الساده
بعد كل شيء متخصخص
والحكومه بتهجص
والشعب علي السلالم أترقص
والمسئول هرب وملص
والمواطن الغلبان فنيص
ودم الغلابه أتمصمص
وجناح الحق أتقصص
وبقينا نتقرطص
أيها الساده
ضحكوا عليكم وقالوا لكم ديموقراطي
عيشوكم في عالم أفتراضي
وبيقيتم علي الرف وأحتياطي
أيها المواطن ليه تسكت وتقول راضي؟
قول لآ ليه صوتك واضي؟
أرفع راسك أوعي تطاطي؟
أنت في بلد ديموقراطي

أيها الساده حال مصر
كلامنجيه وبتوع لاك
واحد هرب وفك
و واحد ستف في البنك
وناس معكوكه عك
وناس علس قفاها بتسك

أيها الساده   اليكم   حال المسئولين
حال المسئولين تطنيش
وفي الشعب تلطيش
واللي يجي في الريش بقشيش
واللي عاجبه علي كده يعيش
يا حضرة المسئول
الناس عايزه تاكل عيش
الازمه مش أزمه بطاله ولا حشيش
ألآزمه أزمه عقول طرابيش
عشمتوا الناس بي بكره
وبكره بتاعكم مبيجيبش

هنا القاهره

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد