ضميرك مات وغطاه الكفن
وقلبك جواك، جواه العفن
حبيبك... ياحبيبى كان انا
لكن خلاص حبى ليك
مات واندفن
الله لا يسامحك ياللى لحظه
فكرت تبيع الحب بثمن
الله لا يسامحك ياللى مره
اثر فى حبك مرور الزمن
بعدك عنى والفراق
مش دى نهايه الحياه
ولا منتهى الالم
ولا الندم
ولا حتى في جراح
بتعيش فى العدم
وصدقينى
صدقينى
مبقاش ليكى ف حياتى
موضع قدم
والاهم
من كل دا
ملكيش كمان ف ذكرياتى
مكان
دا كان زمن
وبامانه انا بحمد ربنا
خلصنى من ايدك
وبقيت سيدك
على ايدك
بكاكى مش هيفيدك
نداكى مش هيفيدك
اصلك مفيش
مفيش   اصل
اصل الحكايه ماعندكيش اصل
ومن غير لا اصل ولا فصل
المسرحيه انتهت
والبطل فيها كانت الخيانه
وكنتى فيها انت الجبانه
وضميرك ملياه العفانه
بس بامانه
عجبتنى فيكى حاجه واحده
طريقه الخيانه

تاليف /محمد عواد الديب