إتغيرنا يا ناس وإتغيرت أطباعنا غلبنا الخوف وكاسيتنا أطماعنا عايشين زمان الجاه والرحمه بلا معني يا خلق إصحو يا خلق وحدوه ده فلان سرق أخته خان أخوه علان حرق أمه كسر قلب أبوه نفسي أصرخ بس مين يحس مين حيقول حرام ده الظلم كرباجه ذل مش محتاج علم وعلام وندورونسأل هو إيه الحل وإحنا هدمنا الرحمه وبنانا الغل ننادي بر لموج بيخنقنا وريح المر للغرقه بياخدنا خسرنا جارنا .. ودارنا علينا مقفول خرسنا صوتنا وراسنا بالكيف مسطول ولو ربك سألنا عن حالنا إيه حنقول ده حق غيرك سرقته بالوسطي حلم غيرك هدمته بالسلطه نسينا كلام النبي لا ضرر ولا إضرار سوقنا و دوسنا نسينا إن الزمن دوار يلا إلعنوا الزمن يا ملعونين بالمال قول إشمعني أنا ليه ضاق عليا الحال نفسك تلاقي حل إفتكر زمن فاتنا زمن الأب رب والأم أصل عشاقنا المصري صاحب البلد وحكومه خدامنا يومها حنشوف البلد ..... حته م الجنه