حياه الجامعه !!!! يعنى ايه حياه الجامعه. نفسى الناس كلها تكون سامعه الولاد والبنات. الشباب والشابات احنا المفروض رايحين نتعلم. والله احنا مش رايحين نتكلم ليه عاملين فى نفسكم كده. ياترى انتوا كده فى موضع رضا اكيد انتوا كده مش راضين. ولاحتى اكيد مبسوطين نفسى اقول لكل البنات . الشابات والفتيايات خليكى وقوره وعفيفه. خليكى محترمه وشريفه بلاش تصدقى اى كلام . بلاش تعيشى فى الاوهام كل ده ضحك عليكى . صدقينى دى تسليه بيكى ممكن تلاقيه بيكلمك . وفجأه تلاقيه بيشتمك ليه بتأخدى حد عليكى. ليه بتخليه يستقل بيكى ليه بتقللى من كرامتك . علشان تبينى شهامتك حافظى شويه على نفسك. وبلاش تعملى كل اللى فى نفسك انتى عارفه ان كل ده حقيقى . بس بتقولى لنفسك عادى ده صديقى بتعدى دايما حاجات كتير . وفى الاخر هتحسى بمرير يا بنات حرام عليكوا . خافوا شويه على اهليكوا لو كل البنات بقت جد . الولاد عمرها ماهتكلم حد حتى انتوا يا شباب . افتكروا ان فى يوم حساب يوم ربنا هيسألك فيه . عملت فيهم كده ليه يوم كله نار وجحيم . يوم فيه عذاب أليم فى الوقت ده هتقدر تقول . قدام كل الناس والجمهور يااااريتنى ماحبيت البنات . ياااريت اقدر اعوض اللى فات كنتوا عارفين ان ده حرام . ولسه برده بتكملوا كلام لوأهليكم مش شايفين . فخافوا من رب العالمين والله الجامعه دى هلاك . كنا فاكرين انها ملاك والله الواحد بيشوف مناظر . بيسكت عنها ويفضل كاظم بس بجد العيب مش عليكوا . العيب فى الشيطان اللى بيغويكوا بلاش الوقت يسرقوا . بلاش الفرحه تخطفقوا ممكن تعيشوا حياه جليله . حياه محترمه وبرده جميله ده اختبار من ربنا . لازم ننجح فيه كلنا لازم نغير من نفسنا . ولازم ننصح بعضنا عايزين نبدأحياه جديده . حياه سعيده حياه مديده علشان ربنا يرضى عننا . والبركه تدخل وسطنا ونجيب تقدير كلنا . نفرح ونفرح اهلنا تأليف: ماجى مجدى
