كىىاس
من لحظه عمري المتسطر
من دم لدم
من أول صرخه لقلبي المتعثر
من هم لهم...
كنت اعرف إني هااموت
وانا واقف
علي أول أخر درجه
علي أخر أول درجه
علي درجه أول أخر
ما بتفرقش
كنت أعرف إن الإبداع بيحس
ويلون صوت الانسان والحس
مع إن الصوره بتتكسر
وتروح فتافيت علي قوله أه
وإن حلمك منك تاه
اعرف انك بيني وبينك سد
وبإن العمر المتمزع بين ضحك وجد
ضاع علي وعد
وبإنك....
علي قد ما عشت
دليل في الضلمه ..........
ٓمتُ كفيف
وبإن القلب الدافي   في صدرك
برضك علي كىْبرٓه .....ضعيف
لكنك مولود في كتاب
مخلوق متعلق
علي صوره إعلان علي باب
من ساعه ما وقفت بطولك
وقالولك ..........
من خط العمر المتسُند
علي سكه سفرك
اعرف إن عذابك قاطرك
واعرف إن " كفايتك "
خيرك شرك
هيا همومك
سيفك قدرك
واخرس
وإنت تعيش مرتاح
سواح
من بيت الشعر لبيت الراحه
لبيت الأحلاااام..لبراح !!
من عمر الفرحه المتفصل
علي قد دموعك
علي أول أخر ضحكه بقهر
من حلم (دافنشي)و(فيللي)
و(جيته)و(سقراط)و(صلاح)
سواح
وفؤادك بينزُ جراح
وخيالك أضعف من عامنول
.. لكن .. قبل الجلطه....
نىْوُöلٔ شمسك للتايهين في بيوتهم
وادن غلطه ف مالطه
واصرخ قول الحق
قىىٓلها بمليون لأ
يمكن صوتك لاخرس
يتحول مره لطلقات
في بنادق لعبه تشعلل نارك..
أفكارك
يبتدي مشوارك
ويموت علي قبرك حوا وأدم
ويموت العالم ..ما لم
يسمع صوت أشعارك
وأنت بتبلع جوع أطفالك
والذل النايم علي كتفك
يغرق في مراره إصرارك
ويدوق من شعرك
نفس الكاس
ويدوق من شعرك
نفس الكاس .