انترو
فى الضياع مستخسرك..والعناد هيدمرك
كنت خايف تبقى شىء..منتهى ومرمى فى طريق
اخره ليل اسود غميق..كنت خايف اخسرك
سنيو
صدقينى لما اقولك..عمرى انا ما قصدت اذلك
الحكايه انى لقيتك..تايهه حبيت انى ادلك
خفت م الدنيا عليكى..كن خايف تكسرك
كوبليه
لو رفضتى تعذرينى..حقك انك تكرهينى
المهم انك رجعتى..وواقفه اهوه وبتكلمينى
مش مهم تشكرينى..المهم توعدينى
تفضلى زى اما سيبتك..ماتضعيش وتضيعينى
اوعى تمشى فى سكه ممكن..يا حبيبتى تغيرك
كوبليه
كنتى رافضه تسمعينى..كنتى رافضه تفهمينى
كنتى صعبانه عليا..من اللى شفتك فيه بعينى
مش هقولك اشترينى..يعنى لو عايزه تبعينى
القرار فى اديكى انتى..افضلى او ودعينى
اللى انتى شايفاه اعمليه..انا عمرى ما اقدر اجبرك