انترو
بحذرك..قبل ما غرورك يخلى الناس تمل وتخسرك
بحذرك..الدنيا زى ما قوتك ممكن فى ثانيه تكسرك
سنيو
بحذرك.م اللى انت فيه و اللى هيعجل ضياعك
بحذرك.من اسوتك من شدتك من اندفاعك
حاول تغير من طباعك...قبل ما يميل الزمن
وغصب عنك يكسرك
بحذرك
كوبليه
مابقتش تسمع غير كلام الكدابين بيريحك
وبقيت بتبعد عن الصريح عشان صراحته بتجرحك
مااعرفش ليه بقيت كده..مابقتش حاسس بالرضه
خلاص غرورك ابتدا..يهد فيك ويدمرك
بحذرك
كوبليه
صوتك بيعلى فى كل يوم حتى على صوت الضمير
فاكر بظلمك للقلوب تفضل قوى تفضل كبير
اسمع كلامى واعمله..وكل مايل اعدله
جرح الزمن اتخيله..لو ناسى ادينى بفكرك
بحذرك