ملامحك ليا نبع حنان..وصوتك ع الوتر الحان
عيونك لما اتوه عنوان..وحضنك بيتى ومدينتى
شعورك فى اللهيب ضله..وعطرك مسك م الجنه
دموعك ع الكفوف حنه..وبحتار فيكى مين انتى
بحسك واحده من دمى..بشوف فيكى حنان امى
ولو تهت انتى بتلمى..يا ملكه قلبى واميرتى
بحور الهم لو فيضان..وفيها لو هكون غرقان
لا متاثر ولا قلقان..لانك فى الهوا سفينتى
عيونك فى الطريق قنديل..ونور فى سكتى ودليل
ومهما اكتب كلامى قليل..عليكى مهما فكرتى