فى الصور بصيت..قلبتها وقريت
اهدائات وامضى..حرفين وقلب وورده
لقتنى انا حنيت..على شط الذكرى جيت
شمسيتى دقيت..فى اجندتى خطيت
واول ما بديت..انا سميت..فى اول سطر
بدات بالسلام..حاولت اكتب كلام
لقيت نفسى بكيت..من خوفى تكون نسيت
خوفت تكون لقيت..غيرى انا وحبيت
صوتى صرخ ونديت..واتمنيت..اشوفك جاى فى وسط البحر
خلص الكلام ونهيت..ورجعت نفس البيت
بيته اللى كان ..يجمع زمان..بينى وبينه بالحنان
انا ع البيبان دقيت..مالقيتش رد نديت
رد على صوتى الصدا..راجعلى من رحله فى فضا
وصفل دار..غرقت غبار..لقتنى انا اتخضيت