صحيتى ليه فيا المشاعر صحيتى ليه الاحساس
خليتى عينى مش شايفه غيرك من وسط كل الناس
قفلت قلبى من زمان وبالى كنت مريحه
لاكان بيجرح اى حد ولا حد كان بيجرحه
بالحب ليه فتحتى قلبى وانا كنت مش عايز افتحه
خايف تكونى عايز تعيش حب وخلاص
صحيتى ليه فيا الحنين للحب والاخلاص
للحب معنى بيختلف عند ناس غير ناس
فى ناس تقول ان الهوا حزن وجروح
وناس بتفرح بالهوا وبشوق تروح
اما الهوا عندى انا روح عاشقه روح
حكايه لما بتتبنى بتحتاج اساس
