ماتجبرونيش..اعيش دنيا ما حبتهاش ماتلزمنيش
ماتجبرونيش..اعيش مع ناس لو اتكلم ما تسمعنيش
سيبونى اختار طريقى لوحدى وبراحتى
سيبونى اخد قرار مره فى مصلحتى
سيبونى اقول ده يعجبنى..سيبونى اقول ده يتعبنى
سيبونى اقول ما يعجبنيش
ماتجبرونيش
ماتجبرونيش اعيش جوه حدود نفسى
ماتجبرونيش يكون قلبى وحيد منسى
سيبونى اغلط ومن غلطى انا اتعلم
سيبونى اختار ولو غلطان انا اتالم
سيبونى فى مره انا اللى اختار..اعيش فى الجنه ولا النار
سيبونى فى مره انا لوحدى اللى اتكلم
ماتجبرونيش
ماتجبرونيش اعيش عمرى اللى جاى ندمان
ماتجبرونيش اعيش دنيا ناقصها حنان
سيبونى اعيش مع اللى ارتحلو واختارو
سيبونى امشى مع اللى اختارو مشوارو
ياريت لو حد يفهمنى..بلاش على حاجه يجبرنى
ماتجبرونيش على توهتى وعلى الاحزان
ماتجبرونيش