ليه كل يوم مسئول يقول فى بلدنا مفيش بطاله
امال زباين القهوه دول ازاى عايشين عواله
بقا حلم اى شب فينا الشقه والجواز
والنت تستنى العريس لما يبوظ الجهاز
ولو شكينا للحكومه يقولو انتو السبب
الشغل مالى الدنيا وانتو اللى ماليكو الغضب
ازاى بقا نحب البلد واحنا فيها الحثاله
انا قولت لما ارمى الشهاده واشوف شغل وخلاص
نزلت موقف منطقتنا وسوقت انا ميكرو باص
لقيت كمين على خط سيرى اللى شغال عليه
امين طلع همس فى ودنى وقاللى ظروفك ايه
لو كنت مش عايز مخالفه قب بخمسين جنيه
وازى بقا هكسر جنيه لا والهى استحاله
ادام حارتنا فى قهوه بلدى صحابها يعرفونى
قالولى يا ابنى تعالى خبط ووافقو يشغلونى
اللى كان حازز فى نفسى امل اهلى يخيب
اخرتها اقدم شاى وقهوه وحلبه بالحليب
لا واللى ادها من ده كله واللى يا ناس عجيب
كل اما تنزل الحكومه ع القسم يجرجرونى