(( مرحبا ))
مرحبا وهلا بك كل ما حل طرياك            
          ليتك تشوف كيف حال مغليك

انسى جميع الخلق ورحب بلقياك            
          ويحرق معاليق الصدر زود طاريك

الحب ما هو كلمه اعشقك واهواك          
          لو تعرفي مقدار الحب ذاب مافيك

وانا أتوسد بك وله وأتغطاك          
        وتغمض عيوني بضمة الشوق بيديك  

جعل ربي ما يكتب يوم فرقاك      
          ولا اشوف دمع العين يوم تبكيك

ضاع خفوقي يالغلا في محياك          
        يا نبض ابيات قصيدي يوم تناديك

لبيه يا أحلى المخاليق انا افداك          
      ويفداك شاعر ما يكتب غير ليك