حبيبتي جمالك خلى الناس كلها مشتاقلك
والكره جوا قلوبنا مشليكي ده للي حاكم عليكي
حاكم بجبروته وقوته وبلقمة العيش بينزلنا وبزلك
خلانا أرخص شعب ماهو كله للاسف تحت اسمك
رخصنا كلنا وكاتم قلبنا مستولي على عرشك
ياااااااااااه ده امتي ينزاح عننا وعنك
والله بنحبك وبندعي ربنا يحرسنا ويحرسك
سموكي المحروسة زمان أيام ما الشعب كان شبعان جوعونا وبهدلونا وغيروا اسمك
سموكي من يوم حكمة المقروصة لانه قارصنا وقارصك
سياستة دي فزورة خرستنا وعن الكلام كاتمك
أتكلمي كفايا دي اللي بيعمله قاتلنا وقاتلك
سياسته مجوعانا وبلقمة العيش شغلانا عايشين فكك
غيرنا اللغة من الهم سمحينا من غلبنا وغلبك
ماهي كل حاجة اتغيرت مش باقي غير قلبك
قلبك كبير يا مصر أؤمري وأحنا ننفذ أمرك
ولا أقولك أبلعيه وابلعيهم وريحينا بنصرك
هو ده النصر نتخلص منهم تريحينا وتريحي نفسك
الغلا كل يوم شغال وظالمين أبناء جنسك
سكتين ورضيين ربنا كرمنا بالرضى من كرمك
وذكرتي في القرآن خمس مرات ربنا يعزك
كرمك علينا مش بيوصل لينا يااااااااااه فين كرمك
سرقينك ووكلينك ومضيعين كل حقوقنا وحقوقك
بالإعلام فضحينك وزمينك ماهم كرهينا وكرهينك
زعلان عليكي أكيد أكيد لاني بحبك
أرضك بالخير عمرانا ماهو كله في جيوبهم يعني نهبينك
اخلصي منهم مانتي أرض الكنانه يااااااااه نسيت ده كان إسمك
أيوه كان إسمك لإنهم نسوكي كل خير حتي اسمك
بنحبك يا مصر وكل مصري بيقولك والله بنحبك