نقطه ورا نقطه
تكمل بحور
وحرف بعد حرف
تخلص سطور
وان خلص الكلام
في قلبي غرام
يعدي بحبنا
أعلي الجسور
نوصل لبر امان
نبعد عن الأحزان
نزرع لنا بستان
مليان زهور وريحان
وان طال الليل علينا
بعده هييجي النور
دا نقطه ورا نقطه
تكمل بحور
وحرف بعد حرف
تخلص سطور
ساكن كتير ليلنا
وكانه قبر كبير
مدفونه فيه أشواقنا
تحت التراب بكتير
حتي كلام مواويلنا
اللي بيشفي عليلنا
ما عادش له تأثير
ولو يعدي الليل
ما المحش اي بدور
ونقطه ورا نقطه
تكمل بحور
وحرف بعد حرف
تخلص سطور