كلمه بحبك في غرامك قليل
والحياه من غيرك ولا من بعدك مستحيل
انتي اللي بهواكي
والعمر وياكي
مشوار طويل
مشوار جميل
مشوار يجي ميت الف ميل
انا بنسي وياكي الصعاب
واعدي بيكي المستحيل
وان كان هواكي ساكن في دمي
تبقي كلمه بحبك في غرامك قليل
يا ام الجبين الابيض
والخال علي خدك يخيل
وشالك الاخضر يهفهف
علي العيون السود يميل
انا اللي عاشق نور جمالك
وانا اللي من عشقك عليل
لو قلت كل كلام الحب ما يكفي
حتي بحبك كلمه في غرامك قليل
لما الاله خلق الحياه
اداكي م الحسن منتهاه
والكل فيكي شرق وغرب
حتي الغريب عمره ماتاه
داانتي الامل وانتي الامان
وانتي كمان طوق النجاه
واللي يحبك عمره في طريقه
ما يحتاج دليل
دا كلمه بحبك في غرامك قليل