يقول العبيـدي والعبيـدي فرايـده موانـي ذرا لاصـك جنـح الليـل \\ تولم لها يوم أظهر الصبـح غرتـه بعد فيحة العيّـوق شـرق سهيـل \\ تكابر ترف عن كلمةٍ ناض برقهـا وكسى راس موفين الجميل أكليـل \\ بعد ما دنا للهينـة راعـي الخـزا زبون الخزا لا شـك بـارد حيـل \\ ليا جارت السود المداهيـل تاجـده على كيف ما مال الزمـان يميـل \\ ولن شك راس الشك هقوة هقيتهـا فيا “كبكب” الشامـخ ويـا “كنثيـل” \\ أنا ربعي إللي فاللقا مـن يضدهـا سنا عارضٍ برقـه تلاعـج ويـل \\ تجرأ على التاريخ وأنشـد نـوادره وينبأك عن طنخـة وبـأس هذيـل \\ لنـا سلمنـا وأنسابنـا ماتفاوتـت نسبنـا هذيـل وجـده إسماعيـل \\ حرارٍ لها روس المشاريف والعـلا دروع الحجـاز ومنبـر التكميـل \\ هل السيف ورهاف المناديب والقنا ليا شقـت البيـدا خشـوم الخيـل \\ فسل بطن أنفٍ وأسأل القوم والوغى عن الباتـع الزيـزوم والحلحيـل \\ شغاميم قومٍ “يشعف الليـل باسهـا” من الطعن حيضان الدمـيّ تحيـل \\ وسل بعد ذلك عن كتايـب رجالنـا تحـت رايـة التكبيـر والتهلـيـل \\ لنـا ذروة المجـد المؤثـل وإننـا رؤوسا تطاول جيل يخلـف جيـل \\ وديواننا جل اللغـة مـن شواهـده وبراهيننـا ماهـي بقـال وقـيـل \\ فصاحة لسان وحجة الشعر واللغـة وفصل الخطـاب فمحكـم التنزيـل \\ فكم عالمٍ سـاق المطايـا ونوّخـت على صحصحٍ مـا يقبـل التأويـل \\ وأنا ربعي إللي في الوفاء مايعوقها تسـن الجـزال ولاتطفـف كيـل \\ بنينا حيود الطيب بالحلـم والعفـو وثبتنـا نهـار الفيـل والسجـيـل \\ ملاذ “الثلاث البيض” ربعي وعزوتي ليا صـرّ بـاب المـدح والتبجيـل \\ بسطنا كفوف العز بالطيب والكـرم وفتقنا الصدور بيوت “بـن وهيـل” \\ ولا كابرت روس الرجاجيل فالرخا فحنـا لنـا فالقَـرّ.. دم يسيـل..
