تمنّي ياهجوسي والقصايد في حضـورك شمـس لهـا روس النوآمـي مقبلـه والنفـس توّآقـه بيوتٍ مالعب شاعرك فيه بيـن جهـر وهمـس خطبها من مشاكيل الهجوس وجـات منساقـه تزاحم في خفوقه قبل تحداها ضلوعـه حبـس مهذبها على..الفعل الجميـل وحشمـة الفاقـه يباها لابدت ماتنـدرق دون الثمـان فخمـس تونّس في صدور أهل الشعر وعقـول ذوآقـه يصرفها ضميرٍ لاعطـى يعطـي بطيبـة نفـس نهل من منهل أهل العرف جلّ العلـم ودقاقـه تناحر حملته همة جمـل خفـه ضنـاه الدعـس يشوف الدرب قدامه طويـل ولاثنـى ساقـه لوإنه ماربح فيما تعدى غيـر ضيّـم وفحـس من صروف الزمان وكبريـاء الحـظ. وشقاقـه إلينّه مافتر عزمه وجعل اليوم خير مـن أمـس تأمّل خير وأحسـن ظـن والريـات خفاقـه يبا العد القـراح ولاطرآلـه بيعـةٍ بالبخـس شرآ من حر ماله مااشهتـت نفسـه ومارآقـه أنـآ مابينـي وبيـن المثايـل والقوافـي لبّـس طرقت ابوب دور المعرفـه والنفـس عشّاقـه لوإني اشوف بعض الناس تلحس فالجهاله لحـس وأساير جهلها..بالصمت مالي فالجهـل طاقـه يعاتبني القلم مايدري إن الناس تمشـي عكـس يبايفتـح علينـا بـاب نبلـش دون مغلاقـه وأنا سديت باب جروحي إللي ماتوالي اللمـس ومليت أنتظر مابيـن بـوح السـر وإدرآقـه تعبت أببتسم إلى متـى وأنـآ ابتسـم بالـدس أنا..ماني بغارس عـود شـوك ومنتظـر باقـه أبسجد شكر لادن الربيع وفاح عطـر الأنـس وسكن ضيم الزمان إللي معاي وحسن أخلاقـه وبعدها ياسلام الله سلام مـن الحيـا ملتبـس رعده الطيب لاأهل الطيب والمعـروف براقـه سلام من العبيدي عد ماطاب النسيـم ونـس وضحك وجه الربيع ومالت الاغصان مشتاقـه سلامي للرجال اللي لهـا الامجـاد ماتنطمـس بنـي حسـان للفعـل المجمـل دوم سبـاقـه رجالن فالمواقف تحمس قلوب الاعـادي حمـس مزبنت الدخيل أهـل الجميـل وذروة اعناقـه بها التاريخ يسعد والقلم يشهد عليـه الطـرس وأنا شاهد شهـادة حـق مايزعجنـي احقاقـه أنا شاعر حروفـي ماتربـت فالواقـف خـرس ويزعجني الكلام إللي يسوق حروفـه أنفاقـه تعلمنـا الشدايـد والليالـي كـل ليلـة درس وانا قاري فصـول كتابهـا ومحـص اوراقـه والا يالطيب تبقى طيب أصبح في مراجك وأمس ومن دونك رجالن كل باطـل تنـوي أزهاقـه حضرنا والدروب تفوح واقدام المطايـا عبـس على وضح النقـا واحلامنـا ماهـي بمنعاقـه حضرنا والسلام جذور وصدور الرجال الغرس ذراها الطيب واسقاها الوفا من صافـي اعماقـه تشوف اغصانها يلعب بها المعروف رُطب ويبس وتروح ريح زهـر افعالهـا لافاحـت اعباقـه حضرنا والجميل أبقى ونور اهل التحايا شمـس حضرنا والفضا ماضـاق بنجومـه وبـآ فآقـه حضرنا والحضور أبها من الاجوا وحال الطقـس حضرنا يابيوت الطيب واصل الطيب وروآقـه سلام الله عليكم طيب يجلى كل هـم وعمـس مصرفـه العبيـدي طيـب مخراجـه وممراقـه
