سـلام والجابـه علـى مبداهـا أقـف لهـا وأصونهـا واحماهـا جابة وفا لاأهـل الوفـا بادعهـا ماحآر منّشاها وضـاق وعاهـا والشعر وادي له فصـولٍ واجـد وشعابه أولـى بالمطـر لاجاهـا مايشتكـي (صوّمه)ولا(طبّاقـه) سبحانه إللـي اماتهـا وآحياهـا لاذاقت الما وأزهـرت وأبتلـت وأقبـل عليهـا نحلهـا يجناهـا أزكى من أنفاس العطـر ريحتهـا لامن زبن ماهـا تحـت بطحاهـا البـارح الهاجـوس ماريحـنـي غـدايـره المّـهـا وأشعـاهـا أهـد وابنـي والجميـل أولابـي مـن كلمـةٍ مايستـوي معناهـا ياكم سريت وهاجسي صاحبنـي في ليلةٍ حـف الخطـر مسراهـا صيدي الجزال إللي تنومس قولـي والاولـه تنشـر لمـن لبـاهـا ماشـاح نيشانـي وزل لسانـي ورصاصتـي ماجانبـت مرماهـا والبندق إللـي فشلـت راعيهـا ليته تركهـا تـدّرق فـخباهـا بعض البنـادق ضاريـة بالزينـة يازينهـا فالـجـدر يامحـلاهـا والطيبـة لـن مالحقـت أولهـا خلك على قـول المثـل فتلاهـا كم حلتةٍ قامت وهـي ماقامـت أصحابهـا مـن دونهـا تحزاهـا لاحسّوا الطرقـي يبـا ضيفتهـم ياماحـلا النومـة ويامشهـاهـا عاث الصدى بقدورهـا المكفيـه وخاطت عليها العنكبوت بناهـا وقليّـل المعـروف راعـي المنّـه يغنـنـي الله لقمـتـه مابـاهـا لومت جـوع ولقمتـه قدامـي ماذقتهـا ولاكشفـت غطاهـا وإن كان حظـي ماتعـدا كفـي المعطـي الله..قسمتـي برضاهـا لانمت متعافـي ولانـي عاصـي أخيير من حمـر النعـم واسماهـا دنياك لو تقبـل علـى ماتبغـى ماكان تكفح للضعيـف ارداهـا والناس لو تـدرك ولـو تـداارك ماكان شفـت أحوالهـا ترثاهـا الهرج سهل وكـل منّـا يهـرج ميـر البـلا فالهرجـه ومغزاهـا والكلمة إللي ماتجـي مدروسـه أحسب رددهـا بعدهـا يقفاهـا بعض البشر لامن سكت يازينـه! وإليا تكلـم حاسهـا واعماهـا قال المثل :كان الحكي من فضـة صمتك ذهـب فقبالهـا وقّفاهـا والجـره إللـي صدعهـا عيّبهـا قولوا لصاحبهـا خطـا تملاهـا أن شالهـا ماتصـرد إلا راســه وإن حطها..ماهو ملاقـي ماهـا لن كان يسمع شوري وياخذبـه يشـرب بيده..وجرّتـه يكفاهـا واصحابنا أولى بالنظـر والدقّـه ثلثيـن منهـم ذمتـه جـلّاهـا إليا سمع هرجـة خطـا ياخذهـا وإليا سمع هرجـة سنـع ذكاهـا يذرا الخطا بيـن العـرب بالغيبـه ولااحتاجت الما بالدموع اسقاهـا يجيب لك هرجة وياخـذ هرجـة ويزيد مـن عنـده ليا….وداهـا اصحاب صحن وفاللزووم أخيرهم تشوف عالـي هامتـه حدّراهـا والصاحب إللي مايجيـر الصحبـه وش لحيته بين العـرب ولحاهـا؟ ماهبـت خلـق الله وعينـي فالله إللـي علـى مارادهـا سوّاهـا يبلا الجسـد واحلامنـا ماتبـلا ومنيـة الأنسـان فـي محجاهـا يارب تكفينـي جـزاك بعفـوك وبمغفرتـك فدنيتـي واخـراهـا ويـارب لاتجعلنـي المتشـيـدق أنهى عن الشينـه وانـا مبّراهـا ونفسي ليا همت بـدرب الزلـة من وسوسـة شيطانهـا تاقاهـا
