ضِيِف الردى ياوقت وإلا تضيّـف من خاطري وأسلى على مجهد الباع ماكل من يسكـن بديـرة تكيّـف ولاكل روحه تنتخي راس مرجـاع البارحة وهمـوم صـدري تليّـف بيـن المحانـي والمخاليـق هجـاع سيفتهـا وإليـا أنهـا ماتسـيّـف والدمع من عيني على الخد منـداع لو للدهر كسـوة تخـاط وتقيّـف ماعاش فقر ولاهتك سـر وإنـذاع ولو مجهد الطـالات عنهـا تريّـف ماغاضنا بعد الثريـا عـن القـاع مايستوي جهد القـوي والضعيّـف ولايتفق فالطيّب موثـر وطمـاع مامات جوع إللي طلبـه الرغيّـف ولاطال عمر أهل الذهب والتمتاع يابو جديـلٍ فـوق متـنٍ رهيّـف لامال عجـل بالتـرف والتهـزاع مكنونهـا لـو عيّفـت ماتعيّـف طرقيةٍ وإلا تحـت ستـر مخـداع يابعدهـا مـن فرسخيـنٍ ونيّـف وياقربها لاذيرّت بيـن الأضـلاع تغيب فينـي ليـن تبـدا تطيّـف وتحضر ليا حب الندم روس الاكواع ليت الأمل مـن واقعـي ماتزيّـف وأدله عن اسراب التوجد والاوجاع والله يالـولا الزهـاب الكليّـف ماشدلي حملة على ظهـر مضـلاع الحظ ف\ عيون الأمانـي قصيّـف وإليا نصيتـه شمـر البعـد فـراع ماني على بعـض الهقـاوي مهيّـف إليا ارخت وجيه الرجاجيل الاطباع ولاني من إللي لا تمثـل سخيّـف ولاني مماشي كل جاحـد وخـداع الوقت هيـن يالذهيـن الحصيّـف وأرزاقنا بيديـن معطـي ومنـاع لاعاش راسي لـن تتبعـت هيّـف ولاقلني ساقي على غيـر مطـلاع
