ويلاهـ.. من خاطرٍ ” ماباح مكنونه” ……………………………..شايل هــمومٍ ..فجاج أرضه م.. تاسعها ضاقت علاه الوسيعة وابلش ضنونه ……………………………..والكلـــمة إللـــي تقض “الهـم” يبلعهـا ياخالد الوقت فاضحنـي بماعونـه ……………………ـ………..يلــــم في صدري هــمومـه ويجمعهـا وأنا على عادتي ومتونـي متونـه …………………………..ــ…ووالله ليــرخي متونه قــبـل يرفـــعهـا وإللي يناطح جبل ياموهـن قرونـه ……………………………..والله لتفـــنى قــــرونـه مـن مواجــعهـا الأولـه للوفـا والطيـب مرهونـه ……………………………..وإللي يبا “الطيـــبة” يتعـب ويزرعــهـا الناس راعي المسـاوي مايدانونـه ……………………………..والشــجرة الموذيـة لابـاس نقلعـــهـا والكلمة إللي تجي ماهي بموزونـه ……………………………..تلقى رددهـــا علـى ماقــيل..يتبعهـا ووصية الشايب إللي جات مصيونة ……………………………..ما والله أجهل مرامـــيها ولا اسمعهـا أنا زرعت “الجميل” وظلي غصونـه ……………………………..وشلون بــعد استظل بظلهـا اقطعهـا والصاحب إللي عرفنا ويش مضمونه ……………………………..اللقمة إللي غدت في يـده يشبعهــا قل للمسير على هونه علـى هونـه ……………………………..ماتستوي كفوف خلق الله واصابعهـا إللي ورا حاجز التعتيـم وش لونـه ……………………………..حتى صباح الرضى لاجيت يجفعهـا الله ياهـو يـدور للزعـل مـونـه ……………………………..رطبه ولايبستهـا الشمـس نقعهـا ياصغير السن كلن يتبـع شطونـه ……………………………..والناس مالك عليها حكـم تمنعهـا الادمـي اللـي عبـاد الله يحبونـه ……………………………..مافيه داعي بطاري الكـره تقنعهـا بقول لك حاجـة فالصـدر مدوفنـه ……………………………..ما كل قمـة تبـا تصبـر وتــــــطلعهـا نصيحةٍ من محب يشوفـك عيونـه ……………………………..الحاجة إللي لغيرك “قفـي ودعهـا
