قالوها ولادك
by Mohamed Korea Apoet on Friday, February 11, 2011 at 9:45pm
مصر قامت ومش هتعقد,,,
والطاغى خلاص مشى ومش هيقعد,,,
وعشان كلنا لربنا بندعى وبنعبد,,,
العقدة خلاص فكت ومش هتعقد,,,
                    قالوها ولادك
الشعب يريد أسقاط النظام ,,,
وهنفضل محتجين معتصمين ومش هنام,,,
عشان تعرفوا أنا أحنا أدميين وتعاملونا بأحترام,,,
بعد ما ضيعتوا شبابنا ومحيتوا من على الأبتسام,,,
                      قالوها ولادك
طلعنا ومش هنتراجع,,,,
ودور على المصريين فى كل المراجع,,,
واللى تسولوا نفسه أنه يبقى فينا طامع,,,
هنخليه مع الخوف فى قلبه يصارع,,,
                      قالوها ولادك
لازم تهب رياح التغيير,,,
ويوم 25 كان الأول مش الأخير,,,
ومهما عملتوا فينا هيفضل فينا الخير,,,
ولو بصيت على المظاهرة هتلاقى كل الأطياف والأعمار وحتى الضرير,,,
                      قالوها ولادك
بيضحكوا علينا بتغيير الوزارة,,,
والله دا الكل ضحك حتى العيل فى الحارة,,,
كفياكم بقى رمى الطعم فى السنارة,,,,
دا السمك أتعلم الدرس ومبقاش ياكل من أيديكم الغدارة,,,
                      قالوها ولادك
تنحى مبارك هو دا اللى أحنا عاوزينه,,,
وخروجوا مهزوم ومكسور لازم يكون وصمة عار على جبينة,,,
وكل لحظة ظلم دوقناها فى عهده تدينة,,,
دا ما حدش يبقل كده فى الدنيا حتى شرعه ودينه,,,
                        قالوها ولادك
من النهاردة التاريخ هيفتح صفحة جديدة,,,
أول سطر فيها شبابك يا مصر من نوعية فريدة,,,
من أول الميكانيكى والعامل البسيط لحد شباب مصر الجديدة,,,
كلهم بيحملوا نفس الجنسية والحرية والأرادة الشديدة,,,
                          قالوها ولادك
تحيا مصر ديما وأبدا,,,
وعمر الظلم ما هيعيش بينا أبدا,,,
ولا هنستسلم لظروفنا تانى أبدا,,,
وصوتنا هيفضل عالى وعمرة ما هيتحبس جوانا تانى أبدا,,,
                            قالوها ولادك
كل شهيد ضحى بروحه علشانك,,,
وراح شبابه فدا حريتك وكرامتك وأفراحك,,,
دى أأفل حاجة يقدروا يقدموهالك,,,
ماأنتى فى النهاية أمهم وهما ولادك,,,


                              تحيا مصر