من ديوان
فى حب مصر
للشاعر
mohamed hussein
شمس الحقيقة والحرية طلعت يا مصر طلعت من جديد
بعد ما كان الظلم والفساد حاجبها عنك عمر مديد
وكان قافل على عنينا وصوتنا وأيدينا بقيود من حديد,,,
وضيع مستقبل كل شبابك وحتى اللى لسه وليد,,,
وخلاكى تبكى عليهم من شدة الوجع
لكن بعد ثورة 25 يناير ,,,
أنتهى عصر كل ظالم ومقامر,,,
كان مفكر أن طغيانه ملوش أخر,,,
والله انا دلوقتى من شكلهم ساخر,,,
ومن لكلامهم فى يوم أستمع
ولازم دم شهدائنا ميرحوش هدر,,,
ولازم يتعاقب كل من جار عليهم وبيهم غدر,,,
وخلوا عنينا مليانة دموع والقلب من الحزن أنفطر,,,
وأنا عن نفسى هافضل أحارب فيكى وعمرى ما همل السهر,,,
دنا فى الجهاد فيكى عمرى ما هحس بالشبع
ماهو لازم كل واحد فينا يخرج من خوفه,,,
واللى حصل أنا عمرى ما أتوقعت أشوفه,,,
ومدام بقى واقع مش خيال يبقى لازم كلنا نبقى فى أول صفوفه,,
وشبابنا الحر يصرخ ويحاول يخرج من دوامة ظروفه,,,
داولادك يا بلدى أصغر ما فيهم جدع
أنا صحيح مكنتش معاهم مشارك,,,
لكن طول عمرى بقلمى بحاول أساند,,,
وكان عندى كتابات كتيرة خايف أطلعها لاتاخد,,,
لكن دلوقتى قلمى بقى درعى ضد أى سهم شارد,,,
ومش هخاف من أى أجراء كان زمان متبع
ولسة لكلامى بقية يامصر يا بهية,,,
وأوعدك أنك مش هتفضلى كتير مستنية,,,
داولادك علشانك مستعدين يبقوا شمسية,,,
ضد مطر الظلم والطغيان ويزرعوا فى أرضك جذور الحرية,,,
واللى يفكر يخرب فيكى هنخليه يعانى من الصرع
تحيا مصر
|
