تنحى مبارك عن الحكم كان يوم مبارك عليك يا ميدان التحرير وعلى كل اللى زارك وحتى اللى مزاركش بقى فرحان بثوارك وكل العالم فى الخريطة بقى بتدور على مسارك وبقت فى نظرهم كلهم أمير وبقت كل العيون بداعبك وبيتمنوا يقضوا ولو ساعة فى ساحتك ويتنفسوا هوا الحرية من صراحتك ويحسوا بالعزة والكرامة من شجاعتك دا بسببك الكل عشق التغيير دا أنت بقيت المنارة الجديدة للعلم والحضارة ونورك كان دليلنا للخروج من المغارة ومخوفناش أبدا من هجومهم ولا من الغارة وجرئت قلبنا وضيعت من حلقنا المرارة وأنا نفسى تقبلنى عندك أنشاالله خفير بعد ما نزلت على الظلم الستار وعلى رصيفك أتعلموا يعنى أيه الحوار وكل دقيقة كان بيتولد واحد من الثوار ينادى بأعلى صوت ويقول أحرار يا فرحت شبابك بيك يا ميدان التحرير ودلوقتى كل اللى عاوز جاجة هيجيلك علطول وعمره ما هيمل المسافة مهما الطريق هيطول دى ساعة فرحه وميلاده هى ساعة الوصول مهوأنت بقيت التاريخ وأول درس فى الفصول وسماك بقت براح وملاذ للطير وكل شهيد على أرضك مات أكيد كان حاسس بالفخر قبل الممات واللى هو فيه دلوقتى أحسن من اللى فات مهو مفيش بعد الجنة أمنيات عشت ديما لينا فخرا يا ميدان التحرير