دبلوم صنايع
by Mohamed Korea Apoet on Sunday, March 14, 2010 at 8:07pm
أنا فعلا دبلوم صنايع
لكن حقى فى الحياه ضايع
نفسى أتوظف صانع
أو عامل صغير فى المصانع
أن شا الله أبقى مزارع
وللخير فى الأرض زارع
طب حتى كناس فى الشوارع
نفسى يبقى حد سامع
بدل منا عمال أهاتى وانازع
نفسى يبقى الحظ معايا طالع
وأبقى زى كرم جابر مصارع
بدل منا مع الظروف بصارع
مش أحسن ميقولوا عليا صايع
دنا حتى بصلى الفرض فى الجامع
وللتبرع فى سبيل الله جامع
وأستاذ فى الشعر بلا منازع
على رأى صاحبى أبو السباع
اللى خان صحبتنا وباع
ونشر خبر خيانته وذاع
قال بيكفر عن ذنبه بعد ما ضاع
نفسى أشوف ولو حتى شعاع
أفض بيه النزاع
بين الحقيقه والخداع
وأبقى صاحب رأى شجاع
وصوتى يوصل للناس عبر المذياع