جاتلي صبيه في يوم
ملهوفه علي سترتي
مذلوله ذل كلابي
و البت من حتتي
جاتلي الشهامه فقمت
قالع قوام سترتي
أخدتها مني و جريت
فلطمت يا وكستي
ده عشان أستر صبيه
مشيت عريان بحسرتي
رحت و جريت وراها
بسألها مين السبب
علشان و لو سألوني
في مره عن كسوتي
أعرف أرد و أقول
و أبقي بريء ذمتي
قالت البت كلام
قطع بقلبي و بيها
مكسوره من ده اليوم
و الذل بان في عينيها
قلتلها مانتي السبب
و فضلت اعاتب فيها
انتي يا بنت الباشا
جبتي عاليها واطيها
كان مالك انتي بكلب
الخسه شيء مداريها
و لو شاف في مره صبيه
يجري يروح يرازيها
يعرف قوام السكه
و يروح لفين اراضيها
فيمكر و يهوي الكدب
و في ثانيتين يعميها
