طيبة وحنينة
ورقيقة من غير افتعال
شفافة روحها للجمال
شداني لحدودها من غير احتيال
ومثيرة جدا للخيال
لو كانت الدينا ف حدودها
والحياة رحلة ف عنيها
واندفن مابين ايديها
وابتدي في كل يوم
وانتهي دايما اليها
ادور ف مدارها دايما وانجذب بالفطرة ليها
لو تكون كل البشر
والشمس والنور والقمر
وتبقى وطني وغربتي
واوصل لها ف كل السفر
مثيرة جدا للخيال
ضحكتها دي اجمل مافيها
ولا فيه اجمل كمان؟
صوتها دا الدافي الحنين
اللي بيخليني لين
اللي بخليني هادي
هو احلى؟
ولا الحان الكمان
لمسة ايديها وعد ليا بالامان
ولا بتحذرني منها؟
ومن الاعيب الزمان
مثيرة جدا للخيال