تمثيلية وكل ما فيها اتحرق
من زمان عايشين عليها كلاب طريق لابسين ورق
جمهور ضعيف خايب كسول
مخنوق وملبوخ ف العرق
طلباته تكييف الحياة
علشان مشاهدة ممتعة من غير قلق
وقبل ماينام اسمه ايه
يشتم شوية ويترمي ف الحلم
وكأنه الغرق
وينام على لهب الفضول
ايه اللي بكرة هايتسرق
مين اللي بكرة هايتشنق
مين ابن مين بكرة هايدخل ف السبق
والشمس تطلع فبركة
والصبح يجي بلا شفق
والخلق واقفة على الرصيف شايف المسلسل في الطرق
واحد غريب يسأل غريب
عن حد من اهل البلد
يقوله كان فيه اسمه ايه
لكنه من غله اتخنق