ولا اي حاجه محدده
ولا باينه ف عنيا الفواصل
اامتي¿۔
مش عارف .
والمشاهد ضيعت منها المعاني
من غير سبب
الراحه محسوسه
والالم ادعي
وقت خايف
وقت مش شايف مخاوف

رتبت ميه مره الورق
مره بهدوء۔
وبحيره مره
وبقلق .
بتعقل المنطق ساعات
وبانطلاق الفلسفه
حريه مجنونه
وواقعيه متكتفه
وكتير اوي۔
فجرت بركان الغضب
وضعفت قطعت الورق .
حاجات كتير متصدقه
وتبان جميله منوره
متلونه متزوقه
مع انها
و ف اصلها
متلفقه