بلدي ياأم الحضاره والناس الطيبين
والله ده مش خساره نتعب سنين وسنين
والله كتر خيرك..عايشين بجد في خيرك ..الدنيا ايه من غيرك..يا ام العيون حلوين
انا هعمل اي حاجه..علشانك هبقي حاجه..ومخلكيش محتاجه..جنبك في غمضه عين
مش هبقي عاله عليكي..هعلي وكمان اعليكي..ياحبيبتي لاجل عنيكي..ملايين كتير عايشين
بلدي ياأم الحضاره والناس الطيبين
اللي يقولك عيالك..ماشيين وسايبنهالك..ناويين يشقلبوا حالك..دول يبقوا طمعانين
مش ناسيه ابدا ابنك..لوحتي فين يندهلك..ماهو اصلا غالي عندك..هو انتي زيك مين
ده مفيش في الدنيا زيك..ومفيش في طيبه اهلك..فاتحه لنا يامصر قلبك..واولادك مخلصين
بلدي ياأم الحضاره والناس الطيبين
هتلاقي فين انسان..حارب بنفسه كمان..عشان نعيش في امان..وننام متطمنين
ابنك رغم الظروف..سجل اسمه بحروف..من نور في عز الخوف..في سينا والعلمين
حبك ده وعد علينا..هنشيله جوه عنينا..ودي اجمل حاجه فينا..ان احنا مصريين
بلدي ياأم الحضاره والناس الطيبين
والله ده مش خساره نتعب سنين وسنين
