علمك يامصر اتحرق فى مظاهره سلميـــــــــــه
كانت مظاهره هنا على أرض مصـــــــــــــــــــريه
طبعا غريب ان أنا أحكى الحكايه واقـــــــــــــــول
ن اللى حرق العلم مصرى ومصريـــــــــــــــــــــه
                  ********
سألونا ايه السبب الكل قال معرفــــــــــــــــــش
فجأه لقينا الغضب حول قلوبنا لوحــــــــــــــــش
حسينا ظلم البلد وعلمها كان الكبـــــــــــــــش
بكره اللى سرق البلد حيموت على ايديـــــــــا
                **********
يا مصر عم الفساد والظلم زاد فيكــــــــــــــــــى
وجنوده شايله العلم قال ايه بتحميكــــــــــــــى
رغم انها بتسرقك خيرك وأراضيكـــــــــــــــــــــى
ملعونه دوله أساسها الرأسماليــــــــــــــــــــــــه
              ***********
يا شعب يا مطحون حاسس أنا بحالـــــــــــــــك
قدام عنيك مسروق منهوبه أموالـــــــــــــــــــــك
الله يكون فى العون ويصلح أحوالــــــــــــــــــــــك
وتعود يا شعب بخيرب للكل مش ليــــــــــــــــــا
              **********
الظلم قتل البلد بالطلقه والخنجـــــــــــــــــــــــر
وانت ياشعب سجين واقف ومستنظــــــــــــــــر
بعد المداوله الحكم جاهز ومتحضــــــــــــــــــــــر
يا شعب يا مسكين يا ابو ذكرى منســــــــــــيه
              **********
احنا ف بلد عمرها ما حتبقى يوم لينـــــــــــــــا
حرمانا من حضنها قاسيه كده علينـــــــــــــــــــا
كان نفسنا نحبها لكن ما بأيدينـــــــــــــــــــــــــا
مقتول بظلم البلد وكمان ماليش ديـــــــــــــــــه
              *********
مكتوب عليك يا أمــــــــــــل تفضل كده ف حيره
تحلم بفرصة عمل أو حتى تأشـــــــــــــــــــــيره
تتباع بأرخص تمن وأقل تسعيــــــــــــــــــــــــــره
ارحل بعيد يا أمــــــــــــل دى الفرصه مش جايه
              *********
الشعب قال كلمته مكبوته من جـــــــــــــــــــواه
خايف يقول قصته..خايف يقول شكــــــــــــــــواه
لما الجـــــــــــــــــــــــــــراءه خدته وقدر يقول الآه
قطع الشيطان رقبته ورماها فى الميـــــــــــــــه
            ********
النسر هجر العلم سافر وراح لبعيــــــــــــــــــــــد
يمكن يلاقى الدفا والنور فى عش جديــــــــــــد
ما اهو أصله جوه العلم محبوس فى ايده حديد
ارحل يا نســـــــــــــــــــــــــر وروح لبلادك التانيه
                *********
اصحى يا شعب وفوق شوف الحياه حواليـــــك
قدر الشيطان يهزمك وقدر يغمى عنيـــــــــــــك
لو كنت خايف قول يمكن يا شعب أحميــــــــك
وتبقى بشاير النصر جايه على ايديـــــــــــــــــا
                  **********
يا شعب يا مقهور يا صاحب الكلمــــــــــــــــــه
امتى يجيلك نور..يمحيلك الضلمــــــــــــــــــــه
وامتى الشيطان حيغور وتغلب الظلمـــــــــــــه
وتعيش يا شعب حياه صافيه وورديــــــــــــــــه